फिल्म फ्लप ? नो टेन्सन

काठमाडौ, पुस १० - टिम वर्क भनिने फिल्म निर्माणमा कलाकारको पनि उत्तिकै भूमिका रहेको हुन्छ । जसरी एक फिल्म सफल हुनुमा कलाकारको ठूलो हात रहन्छ, फ्लप हुँदा जिम्मेवारी रहन्छ कि रहन्न ? रहोस् वा नरहोस्, तर यसको नायिका करिना कपुरलाई भने मतलब हुँदैन रे । इमरान खानसँग खेलेको पछिल्लो फिल्म  'गोरी तेरे प्यार में' फ्लप भएपछि आएको करिनाको यस्तो प्रतिक्रियाले सायद उनको घमण्डीपनलाई देखाउन सक्छ । तर यसमा सजग रहँदै करिनाले भनेकी छन्, 'फिल्म फ्लप भएर मलाई त्यसको कुनै असर पर्दैन र प्रवाह पनि गर्दिनँ । उसो त फिल्म हिट भएर पनि म त्यसको उतिसारो मतलब राख्दिनँ ।'
यसअघि उनै इमरानसँग जोडी जमाएको फिल्म 'एक मैं और एक तू' ले दर्शकको मन जितेको थियो । तर पछिल्लो समय दिपीका पादुकोण, कटि्रना कैफका फिल्मले उधुम मच्चाइरहेका बेला करिनाको फिल्म फ्लप भएपछि उनको करिअरमा समेत धक्का दिएको छ । तर उनी भन्छिन्, 'एउटा फिल्मको असफलताले मेरा लागि खास ठूलो अर्थ राख्दैन । अब त मलाई सफलता वा असफलताले त्यति धेरै फरक नपर्ने भइसक्यो ।'